ඇඹිලිපිටියේ open source software පිළිබදව වැඩමුළුව සාර්ථකව නිමවෙයි.

අපි ඇඹිලිපිටියේදී විවෘත මූලාශ්‍ර මෘදුකාංග පිළිබදව වැඩමුළුවක් පැවැත්වූවා. 2009. 11. 07 දින තමයි මේ වැඩමුළුව පැවැත්වූවේ. මම මේ පිළිබදව කලින් වතාවකදීත් සදහන් කලා. ඉතින් කොහොම හරි හිතුවට වඩා සාර්ථකව මේ වැඩමුළුව පවත්වන්න අපිට පුළුවන් උනා. ප්‍රදේශයේ 75 කට ආසන්න පිරිසක් මේ සදහා සහභාගී උනා. පරිගණක ක්ෂේත්‍රය හා සම්බන්ධ පාසල් ගුරැවරැ, IT Technicians, පාසල් ළමුන්, පරිගණක පුහුණු ආයතන වල උපදේශකවරැ, රජයේ හා පෞද්ගලික ආයතන වල පරිගණක හා සම්බන්ධ නිලධාරීන් ආදී පුද්ගලයන් විශාල ප්‍රමාණයක් මේ සදහා සහභාගී උනා.

ඇඹිලිපිටියේ විතරක් නෙමෙයි රත්නපුර, අයගම, සූරියවැව, කටුවන, කොලොන්න, සූරියකන්ද, මිද්දෙනිය වගේ දුර පළාත් වලිනුත් මේ සදහා කට්ටිය සහභාගී උනා.

ලංකානෙට් ආයතනය තමයි මේ සදහා සම්පත් දායකත්වය ලබා දුන්නේ. ඒ අය පැමිණි පුද්ගලයන්ට අවශ්‍ය මුද්‍රිත සටහන්, Ubuntu customized DVD එකකුත් නොමිලේ ලබා දුන්නා. සම්පූර්ණයෙන්ම නොමිලේ තමයි මේ වැඩසටහන පැවැත්වූවේ.

අතිනුත් වියදම් කරගෙන මාර කට්ටක් කාලා මට තියෙන ඇගේ අමාරැවට තමයි මේක සංවිධානය කලේ. ඉතින් පැමිණි පිරිස අනුව සාර්ථකත්වය දැක්කමනම් ඒ කාපු කට්ටට කමක් නෑ කියලා හිතුනා. අපි එතනදී Embilipitiya IT Community කියලා පොඩි  Community එකකුත් පිහිටුවා ගත්තා.

පොඩි ඡායාරෑප ටිකක් මෙතන තියෙනවා. බලලා කමන්ට් එකක් දාන්න.